Thaj YeeB Xyooj Txoj Kev

  Me Hluas NkauJ HmooB

“Niam Nkauj Zaug Paj Txoj Kev HluB”

Tus Sau:   Thajyeeb Xyooj

Email: thajyeeb1234@gmail.com

Phone: 02078817839

"Tau hlub tsis tau yuav chim siab mus txog hnub tuag"

Kuv tu siab kawg nkaus uas kuv yug los nyob rau tiam no yog ib tug tub uas txom2 nyem xwb tab sis kuv kuj zoo siab tias kuv yug los tsis xiam tiam vim kuv tau paub ib tug neeg uas hlub kuv kawg nkaus li.

Hnub tim 21/07/2012 kuv tau ntsib ib tug hluas nkauj hu ua Kiengkham Thor wb tau sib ntsib sib tham thiab sib hlub los tau 5 lub xyoo tab sis tu siab kawg uas tsis tau los sib sau nyob ua ke raws li txoj kev npau suav uas wb npaj cia tseg vim yog txoj kev kawm ib leeg ncaim mus ib qho thaum kawg thiaj li mus tsis tau ua ke lawm. nyob rau 2016 Kuv los yuav mus kawm ntawv rau txawv teb chaws Kiengkham los kuj yuav mus kawm ntxiv rau teb chaws me kas thiab kuv yuav mus li 5 lub xyoo, tiam sis Kiengkham ruas yog yuav mus 1 lub xyoo xwb, nyob rau lub sij hawm ntawv yog ib lub sij hawm uas ua rau wb ob leeg mob siab thiab sib nco heev tsis xav sib ncaim mus li, tiam sis vim lub neej txom nyem ntawm ob leeg thiaj li yuav tau sib ncaim mus kawm ib leeg ib qho, ces Kieng kham thiaj li hais rau kuv tias Thajyeeb tus neeg kuv hlub kuv tsis xav ncaim koj mus li tsis xav kom wb tau sib ncaim mus li os, kuv thiaj li teb rau nws koj yuav tsum mus kawm kom tiav raws li koj txoj kev npau suav ruas yog mus ib xyoos xwb ne, yog li ntawv nws thiaj li hais rau kuv tias, yog mas ib xyoo xwb tab sis yog kuv mus kawm 5 xyoo ces ntev heev tsam nws mus los kuv tsis tau los es nws yuav ua li cas tos kuv 5 lub xyoo na, yog kuv hlub nws tiag ces thov kom kuv txhob mus kawm ntawv nyob rau txawv teb chaws es cia kuv nyob tos nws ib lub xyoos nws rov qab los nws mam ua hauj lwm thiab pab kuv kawm ntawv nyob rau hauv Vientiane no xwb es cia wb sib yuav tsis xav kom wb tau sib ncaim ntxiv lawm tsam sib ncaim tas li ntev2 tsam nws laus lawm kuv tsis kam yuav nws yog kuv hlub nws tiag ces kom kuv nyob tos nws es tsis txhob mus puas tau, yog li ntawv kuv thiaj li muab coj los xav tau ob peb hnub kuj ua rau kuv nyuaj siab kawg nkaus li, yog mus kawm ntawv ces ntev mam li rov los ntshai tsam ho tsis tau sib yuav los nyob ua ke, ho yog nyob tos nws no ces yuav tsis tau mus kawm ntawv lawm lub neej los txom nyem thiab yeej xav mus kawm nyob rau txawv teb chaws kom lub neej tom ntej thiaj li yuav zoo xws li luag tej thiab, tiam sis thaum kawg kuv kuj txiav txim siab nyob tos nws thiab tsis mus kawm ntawv nyob rau txawv teb chaws vim yog kuv hlub nws nkaus xwb.

Yog li ntawv xyoo 2016 kuv thiaj li cia nws mus kawm nyob rau teb chaws mekas lawm vim txoj kev deb ib leeg nyob ib qho tu ncua txoj kev sib hu thiab sib tham nco npaum twg los tham tsis tau raws li lub siab xav, nws mus tau 3 lub hli xwb nws cia li kom wb sib tso thiab txhob sib tham lawm, thaum kuv hnov li no uas rau kuv lub zog ntaug tag hais tsis tau lus noj tsis taus mov haus tsis atu dej hauv siab khov tag zoo li dej nyab kuv lub siab tag li kuv quaj thiab thov nws kom ua siab ntev muaj dab tsi mam li sib hais no lo nws tsis kam nrog kuv tham li lawm kuv nyob nrog txoj hlub kev mob kev tu siab kuv mus kawm ntawv los lub kua muag ntws si tej phooj ywg nug los teb tsis tau xib fwb nug tias hnub twg kuv tug hluas nkauj mam li rov los thiab sib yuav ces nco ntsoov caw xib fwb thiab ua rau kuv lub kua muag ntws si tsis paub yuav hais li cas? xib fwb nug kuv tias puas yog kuv nco nws cas kuv ho quaj no kuv lam teb tias yog tab sis qhov tseeb nws twb kom wb sib tso lawm.

kuv thiaj ua lub siab ntev tos nws tau ib lub xyoo txwm nkaus thiab nws rov qab los kuv thiaj ua tib zoo mus thov nws los nws hais thov txim nawb kuv txiav txim siab lawm es koj ua siab mus nrhiav poj niam yuav es txhob tos kuv thiab thov kuv li ko lawm os, ua rau kuv tu siab thiab kua muag ntws si kuv thiaj thiaj li hais rau nws tias Kiengkham koj yuav ua li rau kuv koj ho tsis qhia rau thaum ntxov es cia kuv mus kawm ntawv nyob txawv teb chaws ntshe hnub no kub twb tsis mob siab li no os, Koj tsis hlub kuv tsis kam yuav kuv es koj ho dag kuv nyob tos koj zaum no koj los kuv tsis tau kev kawm los kuv tsis muaj lawm es kuv yuav ua li cas ua neej nyob rau tiam no os, los nws ruas hais tib lo lu tias thov txim no xwb

tu siab kawg nkaus ua txoj kev hlub mus tsis tau lawm ces kuv thiaj li ua ib siab tsis nug nws hmoo thiab mus nyob ntsiag to nrog txoj kev tu siab lawm xwb, hos nws los mus tau hauj lwm zoo muaj nyiaj lawm tab sis tsis muaj ib tus hlub uas yuav zoo li kuv li lawm niaj hnub no nws los tseem nco2 kuv tab sis tsis zoo rov qab los lawm kuv los tseem nco2 nws tiam sis khaws cia rau hau siab lawm xwb, ua tib neeg nyob txawm sib hlub npaum twg los yog npaj tsis tau txhij yuav sib yuav ces txhob pib kev hlub tsam ho mob siab mog ib tsoom phooj ywg cia kuv zaj dab neeg no qhia rau nej tias kawm ntawv tias mam li xaiv txij nkawm es hauj lwm los thiaj muaj ua luag thiaj li yuav saib tau yus os

Ceeb Toom: Txwv tsis pub leej twg  muab coj cov dab neeg hauv no mus to rau koj lub vas sab website, forum los yog lwm qhov uas tsis tau kev tso cai ntawm peb. Tsis pub muab luam muag thiab. Ua tsaug  rau koj txoj kev koom tes, peb tsuas tso rau suav daws tuaj nyeem laug caij nyoog xwb. Warning: No  cone can copy our stories to post on you own website, forum or other internet site without our permission.  Printing for selling is also prohibited. Thank you for your cooperation.   

Nias Nov Mus Nplooj Kev HLub Loj:

HluB Ib Zaug Dhau Mus

Hlub 1 zaug dhau mus

Nco thaum Wb Ob Leeg Nyob Ntug Haiv Txwv

Tus Sau Zaj Dab Neeg:   Paj Yeeb Yaj

Email: hlubzaumob2015@gmail.com

 

Nkauj hmoob toj siab yog ib tug ntxhais ua raug tso ib zaug los yog hais tias nws tau mus ua ib zaug neej los lawm nws tau mus hlub nrog ib tug nraug xwb  hu ua muas koob tsheej no, thaum nkawv nyuam qhuav sib ntsib thawj zaug yog nyob rau ntawm ntug dej hiav txwv. 

             Nyob rau hnub ntawv cua tuaj nplawm ntws nplooj hmab nplooj ntoos zeeg dawb vog thiab pom tej me noog liaj noog luv ya cuag dab tsi raws ntug dej....lom zem xauv npo cuag li tej nas noog paub tias  nkauj hmoob toj siab tau muaj kev hlub lawm.  Lub sij hawm ntawv nkauj hmoob toj siab tau nqis mus txog hauv nroog thiab zaum ua si hauv tsob qab ntoos tig ntsia mus rau sab hnub tuaj cas pom muas koob tsheej ncig yeev tuaj mus dhau ua cas nws yuav zoo nraug ua luaj hnav cev khaub ncaws dub rau nkawm khau tawv daj lub me cev yiag txias nws khuam ib lub hnab hos nqa ib phau ntawv ntawm tes maj mam tshais ruam tuaj mus dhau plaws nkauj hmoob toj siab nkauj hmoob toj siab ntsia ntsia nws mus ploj qab ntais lawm nws yeej tsis tig los saib nkauj hmoob toj siab li nkauj hmoob toj siab lub ncauj tsis hais los lub siab xav tau lawm hais tias yog leej twg tau ua tus hlub  ntshe yuav zoo heev li ..cas yuav zoo nraug ua luaj kheev lam muaj hmoo tau ua tus kuv hlub ntshe yuav zoo siab heev li os .

                          Ua cas ib pliag ntshis xwb tos pom ua cas muas koob tsheej txawm siv los nyob ntawm nkauj hmoob toj siab ib sab hais lus luag nyav nrog rau lub suab mos mos hais lus zoo zoo lub ntsiab lus noog tias nyob zoo leej muam cas nyob ib leeg ntxim kho siab ua luaj ua li muaj tus hlub lawm los tsis tau? Ntsia koj lub ntsej muag ntshaus ntsho zoo yam li muaj kev nyuaj siab hais qhia rau kuv puas tau thiab.  Nkauj hmoob toj siab teb  tias tus me leej nus koj yog leej twg cas ho xav paub txog ntawm kuv tus kheej ma lov, nkauj hmoob li kuv raug luag tso mus ua lub neej ib zaug tsis zoo los lawm os thiaj nyob ntshaus ntsho yam tus neeg raug mob xwb os.

                 Thaum ntawv muas koob tsheej tau hais tias ntuj nis nkauj hmoob tus neeg zoo nkauj lub ntsej muag luag nyav kab lia tom txig nko zoo nkauj npaum koj cas tseem tias raug luag tso txhob tu siab mog lub paj txawm zaus rau luag los tseem tshiab rau kuv os txawm koj twb muaj ib zaug neej tsis zoo lawm los kuv saib koj tseem zoo nkauj ntxim hlub ua luaj so zog kua muag tsis txhob quaj cia kuv mam los ua tu neeg hlub koj thiab yuav tsis tso koj rau txoj kev txom nyem lawm mog.  Lub sij hawm no nkauj hmoob toj siab lub siab muag tag nrho sau lub siab hlo los hlub muas koob tsheej.  Dhau ntawv los  nkawv tau nyiag mus nyob ua ib lub neej rau hauv nroog tsis pub niam txiv ob tog paub nkawv tau sib hlub raws li tej niam txiv txij nkawm tau ib ntus nkauj hmoob toj siab tau hlub muas koob tsheej heev li txawm muas koob tsheej tsis mus khwv nyiaj thiab nrhiav hauj lwm ua los nws yeej tsis cem li nkauj hmoob toj siab niaj hnub mus ua hauj lwm ua zog txawm ib hlis tau 1-2phav npaj los yuav mov yuav zaub rau nkawv noj xwb los nws yeej txaus siab ua tsuav kom muaj muas koob tsheej nrog nws nyob xwb ces zoo lawm .

                                Muas koob tsheej xav tau khau thiab ris tsho los nkauj hmoob toj siab yeej peem ua zog yuav tau rau nws tag nrho, muas koob tsheej tau hais rau nkauj hmoob toj siab tias cia peb caug xyoo no tag kuv mam mus coj kwv tij thiab hais niam hais txiv peb tuaj tos koj mus nrog kuv nyob raws li peb hmoob txoj cai nawb yog kuv tau koj lawm kuv yuav hlub koj thiab tsis cia koj mus khwv lawm ua rau nkauj hmoob toj siab lub siab muag tag nrhov thiab.  muas koob tsheej tau hais tag ib puas yam lus zoo nyob ntiaj teb no rau nkauj hmoob toj siab thiab tau muab txoj kev hlub zoo heev li rau nkauj hmoob toj siab los tau ib ntus ntawv nkauj hmoob toj siab muaj kev zoo siab heev li tsis nco txog kev nyuaj siab li lawm.  Nkawv ob leeg tau los mus saib nkauj hmoob toj siab niam thiab txiv nrog rau tej hlob tej yau tej nyab tej nus tag huv si muas koob tsheej tau hais rau nkauj hmoob toj siab tias koj nrog niam thiab txiv nyob mog kuv mus ob peb hnub kuv npaj tau kuv mam tuaj coj koj mus nrog kuv nyob mog.

                   Ua cas tau ib hlis tom qab nkauj hmoob txawm hu thiab noog tsis tshua tau muas koob tsheej moo zuj zus li lawm nkauj hmoob toj siab hu tau thaum twg ces mua koob tsheej tsuas yog hais tias koj txhob hu hu tuaj rau kuv vim kuv laj laj nrog koj tham thiab kuv tsis khoom tham nrog koj lawm lub sib hawm ntawv ua rau nkauj hmoob toj siab nyob nrog txoj kev tsaus ntuj noj los tsis qab pw los tsis tsaug zog ntuj tag hmo kua muag ntws ntxaum tag rau tej npoo ncoo lub zog ntaug tag tsis xav mus ua noj txhua hnub hmo tsis quaj los kua muag pheej los twj ywm, tus kheej kom txhob nco los cas tseg tsis tau ntuj tag hmo cas yuav nco nraug hmoob lub me cev hluas nraug dab ntub tuaj tsis taus vim tsis muaj muas koob tsheej los puag lawm chim siab ua luaj thiaj sau me khaub ncaws ntim tag rau hauv hnab mus nce hlo lub tsheb yuav mus raws muas koob tsheej qab cas nkauj hmoob mus txog ntua hauv nroog mus pom muas koob tsheej zaum ib leeg ua ntsej muag dub txig xwb nkauj hmoob toj siab tsa ncauj los noog tias tu me neeg kuv hlub yog ua cas tiag koj thiaj pauv mus lawm?

                     Lub sij hawm tsis muaj tsawg hnub cas koj lub siab txawm siv tig los hais kom wb txhob sib hlub lawm os ib txwm kuv twb yog tus koj nco ne lov muas koob tsheej teb hais tias tu me neeg zoo ua ib siab mog tiam no kuv tsuas los hlub koj txog txij no lawm xwb os mog tseg txhob tos kuv ntxiv lawm mog lub neej tiam no wb zoo tsis sib phim thiaj los li no xwb mog nkauj hmoob toj siab lub kua muag si laim hnov mob puag hauv lub siab tuaj yog paub tias hlub tau koj tsis yuav cas paub li tsis txhob los hlub koj kawg lub siab tsis txhob cia koj los nyob hauv kuv txoj kev npau suav hnub no yuav ua cas muab rhuav os mob siab ua luaj no chim nkauj hmoob lub siab tsis txawj tag nkaus hlo hauv tshuaj iab tso ntawm ncauj xav hais tias ua siab qi muag tuag kom txhob nco txog lawm cas muas koob tsheej tseem rov siv lo lus zoo lo ntxias dua lawm thiab ua nkauj hmob lub siab muag tag tsis nco chim tom qab peb hnub dhau los muas koob tsheej tau khiav tawm ntawm lub tsev uas nkawv l txwm nyob ntawv mus lawm.

                       Nkauj hmoob toj siab tau quaj thiab nrhiav muas koob tsheej rau txhua txoj ke los yeej tsis pom li nyob tos tau ob hnub tom qab muas koob tsheej hu los rau nkauj hmoob toj siab tias sib ntsib rau ntawm ntug dej hiav txwv os nkauj hmoob toj siab sawv ntxov tuaj txog muas koob tsheej quaj quaj thiab hais rau nkauj hmoob tias ua ib siab mog tiam no kuv zoo tsis phim koj es ua siab mus nrhia tus tom ntej kom phim koj os mog nkauj hmoob thiaj noog tiag tus neeg kuv hlub yog ua cas tiag koj thiaj hais li ma? qhia qhov tseeb rau kuv os muas koob tsheej hais rau nkauj hmoob tias qhov tiag lawm kuv yeej hlub koj kawg tiam sis koj yog poj nrauj lawm kuv yog nraug xwb kuv yuav yuav tsis tau koj os mog ib qho ntxiv koj los yog neeg kawm ntaub ntawv tsis tag ntshe tsis txaus yuav mus ua tau kuv tus niam tsev koj yog poj nrauj kuv yuav koj ntshe kuv yuav txaj muag rau kuv tej phooj ywg mog vim kuv yog neeg muaj kev txawj ntse kawm ntaub ntawv nyob qib siab yog neeg muaj npe zoo tsis xav kom puas koob mog.

                        ib qho kuv tsis nyiam koj tsev neeg thiab koj li yav tag los kuv lam siv koj ua si xwb mog koj tsis phim kuv qhia koj paub li ntawv mog yav tag los txawm koj yuav hlub thiab zoo rau kuv npaum twg los kuv yeej tsis tuag siab yuav koj li mog nkauj hmoob toj siab ntshai hais tias tsam plam muas koob tsheej mus tiag nws thiaj tau txhos caug thov thiab hais tias tus neeg kuv hlub thov tsis txho tso kuv puas tau os kuv nrug tsis tau koj li lawm os yav tag los koj twb hais tias yuav hlub kuv thiab wb yuav mus ua lub neej nyob ua ke sib sib hlub mus ib txhis no ne nraug hmoob.

                    muas koob tsheej teb tias txhob muab yav tag los hais mog ntawm koj thiab kuv wb ces tag li no lawm os ua ib siab rov qab mus nrog niam thiab txiv lawv nyob pem zos mog zaum no yog zaum kawg uas wb sib ntsib lawm xwb os ces mua koob tsheej cia li khiav mus lawm txij hnub ntawv los ua rau nkauj hmoob toj siab noj los tsis qab haus dej los tsis nqis li nkauj hmoob chim chim ua rau nkauj hmoob mob tau 7hnub 7hmo nkaus mam zoo os thiaj li taug kev mus noog saub tias saub yog vim dab tsi tus neeg uas kuv hlub thiaj khiav kuv mus lawm ua li kuv puas tau nws rov qab los thiab nws puas yog kuv tus txij nkawm ib txhis raug los pem ntuj los cas nws yuav tsim txom kuv lub siab mob ua luaj li os

                 Saub  saib tag ces saub thiaj li hais rau nkauj hmoob tias me ntxhais koj tus hlub no mas nws tssi yog los hlub koj tiag los yuav koj tiag mog nws tsuas yog ib tug neeg dag noj dag haus xwb nws xav los kom koj nrhiav rau nws noj nws haus xwb vim hauj lwm dab tsi los nws tsis xav mus ua li ne puas yog? yog li ntawv mas koj yuav tsis tau nws los li lawm mog tswj lub siab kon tus tus mog tseg txhob nco tus neeg dag lawm mog txij hnub ntawv los nkauj hmoob toj siab thiaj so zog kua muag tsis quaj ntxiv li lawm tab sis nkauj hmoob toj siab los nyob ib leeg tsis tuaj yeem qhib lub siab mus hlub tau ib tug txiv neej twg ntxiv li lawm thiab. Thaum kawg no ua tsaug rau vas sab www.3haivhmoob.com uas  muaj qhov chaw no rau  peb tau tuaj piav lub neej rau suav daws tau  kawm   mog..

Sau npe: Nkaub Hmoob Toj Siab.

 

Ceeb Toom: Txwv tsis pub leej twg  muab coj cov dab neeg hauv no mus to rau koj lub vas sab website, forum los yog lwm qhov uas tsis tau kev tso cai ntawm peb. Tsis pub muab luam muag thiab. Ua tsaug  rau koj txoj kev koom tes, peb tsuas tso rau suav daws tuaj nyeem laug caij nyoog xwb. Warning: No  cone can copy our stories to post on you own website, forum or other internet site without our permission.  Printing for selling is also prohibited. Thank you for your cooperation.

Nias Nov Rov Mus Nplooj Kev HLub Loj