HluB Ib Zaug Dhau Mus

Hlub 1 zaug dhau mus

Nco thaum Wb Ob Leeg Nyob Ntug Haiv Txwv

Tus Sau Zaj Dab Neeg:   Paj Yeeb Yaj

Email: hlubzaumob2015@gmail.com

 

Nkauj hmoob toj siab yog ib tug ntxhais ua raug tso ib zaug los yog hais tias nws tau mus ua ib zaug neej los lawm nws tau mus hlub nrog ib tug nraug xwb  hu ua muas koob tsheej no, thaum nkawv nyuam qhuav sib ntsib thawj zaug yog nyob rau ntawm ntug dej hiav txwv. 

             Nyob rau hnub ntawv cua tuaj nplawm ntws nplooj hmab nplooj ntoos zeeg dawb vog thiab pom tej me noog liaj noog luv ya cuag dab tsi raws ntug dej....lom zem xauv npo cuag li tej nas noog paub tias  nkauj hmoob toj siab tau muaj kev hlub lawm.  Lub sij hawm ntawv nkauj hmoob toj siab tau nqis mus txog hauv nroog thiab zaum ua si hauv tsob qab ntoos tig ntsia mus rau sab hnub tuaj cas pom muas koob tsheej ncig yeev tuaj mus dhau ua cas nws yuav zoo nraug ua luaj hnav cev khaub ncaws dub rau nkawm khau tawv daj lub me cev yiag txias nws khuam ib lub hnab hos nqa ib phau ntawv ntawm tes maj mam tshais ruam tuaj mus dhau plaws nkauj hmoob toj siab nkauj hmoob toj siab ntsia ntsia nws mus ploj qab ntais lawm nws yeej tsis tig los saib nkauj hmoob toj siab li nkauj hmoob toj siab lub ncauj tsis hais los lub siab xav tau lawm hais tias yog leej twg tau ua tus hlub  ntshe yuav zoo heev li ..cas yuav zoo nraug ua luaj kheev lam muaj hmoo tau ua tus kuv hlub ntshe yuav zoo siab heev li os .

                          Ua cas ib pliag ntshis xwb tos pom ua cas muas koob tsheej txawm siv los nyob ntawm nkauj hmoob toj siab ib sab hais lus luag nyav nrog rau lub suab mos mos hais lus zoo zoo lub ntsiab lus noog tias nyob zoo leej muam cas nyob ib leeg ntxim kho siab ua luaj ua li muaj tus hlub lawm los tsis tau? Ntsia koj lub ntsej muag ntshaus ntsho zoo yam li muaj kev nyuaj siab hais qhia rau kuv puas tau thiab.  Nkauj hmoob toj siab teb  tias tus me leej nus koj yog leej twg cas ho xav paub txog ntawm kuv tus kheej ma lov, nkauj hmoob li kuv raug luag tso mus ua lub neej ib zaug tsis zoo los lawm os thiaj nyob ntshaus ntsho yam tus neeg raug mob xwb os.

                 Thaum ntawv muas koob tsheej tau hais tias ntuj nis nkauj hmoob tus neeg zoo nkauj lub ntsej muag luag nyav kab lia tom txig nko zoo nkauj npaum koj cas tseem tias raug luag tso txhob tu siab mog lub paj txawm zaus rau luag los tseem tshiab rau kuv os txawm koj twb muaj ib zaug neej tsis zoo lawm los kuv saib koj tseem zoo nkauj ntxim hlub ua luaj so zog kua muag tsis txhob quaj cia kuv mam los ua tu neeg hlub koj thiab yuav tsis tso koj rau txoj kev txom nyem lawm mog.  Lub sij hawm no nkauj hmoob toj siab lub siab muag tag nrho sau lub siab hlo los hlub muas koob tsheej.  Dhau ntawv los  nkawv tau nyiag mus nyob ua ib lub neej rau hauv nroog tsis pub niam txiv ob tog paub nkawv tau sib hlub raws li tej niam txiv txij nkawm tau ib ntus nkauj hmoob toj siab tau hlub muas koob tsheej heev li txawm muas koob tsheej tsis mus khwv nyiaj thiab nrhiav hauj lwm ua los nws yeej tsis cem li nkauj hmoob toj siab niaj hnub mus ua hauj lwm ua zog txawm ib hlis tau 1-2phav npaj los yuav mov yuav zaub rau nkawv noj xwb los nws yeej txaus siab ua tsuav kom muaj muas koob tsheej nrog nws nyob xwb ces zoo lawm .

                                Muas koob tsheej xav tau khau thiab ris tsho los nkauj hmoob toj siab yeej peem ua zog yuav tau rau nws tag nrho, muas koob tsheej tau hais rau nkauj hmoob toj siab tias cia peb caug xyoo no tag kuv mam mus coj kwv tij thiab hais niam hais txiv peb tuaj tos koj mus nrog kuv nyob raws li peb hmoob txoj cai nawb yog kuv tau koj lawm kuv yuav hlub koj thiab tsis cia koj mus khwv lawm ua rau nkauj hmoob toj siab lub siab muag tag nrhov thiab.  muas koob tsheej tau hais tag ib puas yam lus zoo nyob ntiaj teb no rau nkauj hmoob toj siab thiab tau muab txoj kev hlub zoo heev li rau nkauj hmoob toj siab los tau ib ntus ntawv nkauj hmoob toj siab muaj kev zoo siab heev li tsis nco txog kev nyuaj siab li lawm.  Nkawv ob leeg tau los mus saib nkauj hmoob toj siab niam thiab txiv nrog rau tej hlob tej yau tej nyab tej nus tag huv si muas koob tsheej tau hais rau nkauj hmoob toj siab tias koj nrog niam thiab txiv nyob mog kuv mus ob peb hnub kuv npaj tau kuv mam tuaj coj koj mus nrog kuv nyob mog.

                   Ua cas tau ib hlis tom qab nkauj hmoob txawm hu thiab noog tsis tshua tau muas koob tsheej moo zuj zus li lawm nkauj hmoob toj siab hu tau thaum twg ces mua koob tsheej tsuas yog hais tias koj txhob hu hu tuaj rau kuv vim kuv laj laj nrog koj tham thiab kuv tsis khoom tham nrog koj lawm lub sib hawm ntawv ua rau nkauj hmoob toj siab nyob nrog txoj kev tsaus ntuj noj los tsis qab pw los tsis tsaug zog ntuj tag hmo kua muag ntws ntxaum tag rau tej npoo ncoo lub zog ntaug tag tsis xav mus ua noj txhua hnub hmo tsis quaj los kua muag pheej los twj ywm, tus kheej kom txhob nco los cas tseg tsis tau ntuj tag hmo cas yuav nco nraug hmoob lub me cev hluas nraug dab ntub tuaj tsis taus vim tsis muaj muas koob tsheej los puag lawm chim siab ua luaj thiaj sau me khaub ncaws ntim tag rau hauv hnab mus nce hlo lub tsheb yuav mus raws muas koob tsheej qab cas nkauj hmoob mus txog ntua hauv nroog mus pom muas koob tsheej zaum ib leeg ua ntsej muag dub txig xwb nkauj hmoob toj siab tsa ncauj los noog tias tu me neeg kuv hlub yog ua cas tiag koj thiaj pauv mus lawm?

                     Lub sij hawm tsis muaj tsawg hnub cas koj lub siab txawm siv tig los hais kom wb txhob sib hlub lawm os ib txwm kuv twb yog tus koj nco ne lov muas koob tsheej teb hais tias tu me neeg zoo ua ib siab mog tiam no kuv tsuas los hlub koj txog txij no lawm xwb os mog tseg txhob tos kuv ntxiv lawm mog lub neej tiam no wb zoo tsis sib phim thiaj los li no xwb mog nkauj hmoob toj siab lub kua muag si laim hnov mob puag hauv lub siab tuaj yog paub tias hlub tau koj tsis yuav cas paub li tsis txhob los hlub koj kawg lub siab tsis txhob cia koj los nyob hauv kuv txoj kev npau suav hnub no yuav ua cas muab rhuav os mob siab ua luaj no chim nkauj hmoob lub siab tsis txawj tag nkaus hlo hauv tshuaj iab tso ntawm ncauj xav hais tias ua siab qi muag tuag kom txhob nco txog lawm cas muas koob tsheej tseem rov siv lo lus zoo lo ntxias dua lawm thiab ua nkauj hmob lub siab muag tag tsis nco chim tom qab peb hnub dhau los muas koob tsheej tau khiav tawm ntawm lub tsev uas nkawv l txwm nyob ntawv mus lawm.

                       Nkauj hmoob toj siab tau quaj thiab nrhiav muas koob tsheej rau txhua txoj ke los yeej tsis pom li nyob tos tau ob hnub tom qab muas koob tsheej hu los rau nkauj hmoob toj siab tias sib ntsib rau ntawm ntug dej hiav txwv os nkauj hmoob toj siab sawv ntxov tuaj txog muas koob tsheej quaj quaj thiab hais rau nkauj hmoob tias ua ib siab mog tiam no kuv zoo tsis phim koj es ua siab mus nrhia tus tom ntej kom phim koj os mog nkauj hmoob thiaj noog tiag tus neeg kuv hlub yog ua cas tiag koj thiaj hais li ma? qhia qhov tseeb rau kuv os muas koob tsheej hais rau nkauj hmoob tias qhov tiag lawm kuv yeej hlub koj kawg tiam sis koj yog poj nrauj lawm kuv yog nraug xwb kuv yuav yuav tsis tau koj os mog ib qho ntxiv koj los yog neeg kawm ntaub ntawv tsis tag ntshe tsis txaus yuav mus ua tau kuv tus niam tsev koj yog poj nrauj kuv yuav koj ntshe kuv yuav txaj muag rau kuv tej phooj ywg mog vim kuv yog neeg muaj kev txawj ntse kawm ntaub ntawv nyob qib siab yog neeg muaj npe zoo tsis xav kom puas koob mog.

                        ib qho kuv tsis nyiam koj tsev neeg thiab koj li yav tag los kuv lam siv koj ua si xwb mog koj tsis phim kuv qhia koj paub li ntawv mog yav tag los txawm koj yuav hlub thiab zoo rau kuv npaum twg los kuv yeej tsis tuag siab yuav koj li mog nkauj hmoob toj siab ntshai hais tias tsam plam muas koob tsheej mus tiag nws thiaj tau txhos caug thov thiab hais tias tus neeg kuv hlub thov tsis txho tso kuv puas tau os kuv nrug tsis tau koj li lawm os yav tag los koj twb hais tias yuav hlub kuv thiab wb yuav mus ua lub neej nyob ua ke sib sib hlub mus ib txhis no ne nraug hmoob.

                    muas koob tsheej teb tias txhob muab yav tag los hais mog ntawm koj thiab kuv wb ces tag li no lawm os ua ib siab rov qab mus nrog niam thiab txiv lawv nyob pem zos mog zaum no yog zaum kawg uas wb sib ntsib lawm xwb os ces mua koob tsheej cia li khiav mus lawm txij hnub ntawv los ua rau nkauj hmoob toj siab noj los tsis qab haus dej los tsis nqis li nkauj hmoob chim chim ua rau nkauj hmoob mob tau 7hnub 7hmo nkaus mam zoo os thiaj li taug kev mus noog saub tias saub yog vim dab tsi tus neeg uas kuv hlub thiaj khiav kuv mus lawm ua li kuv puas tau nws rov qab los thiab nws puas yog kuv tus txij nkawm ib txhis raug los pem ntuj los cas nws yuav tsim txom kuv lub siab mob ua luaj li os

                 Saub  saib tag ces saub thiaj li hais rau nkauj hmoob tias me ntxhais koj tus hlub no mas nws tssi yog los hlub koj tiag los yuav koj tiag mog nws tsuas yog ib tug neeg dag noj dag haus xwb nws xav los kom koj nrhiav rau nws noj nws haus xwb vim hauj lwm dab tsi los nws tsis xav mus ua li ne puas yog? yog li ntawv mas koj yuav tsis tau nws los li lawm mog tswj lub siab kon tus tus mog tseg txhob nco tus neeg dag lawm mog txij hnub ntawv los nkauj hmoob toj siab thiaj so zog kua muag tsis quaj ntxiv li lawm tab sis nkauj hmoob toj siab los nyob ib leeg tsis tuaj yeem qhib lub siab mus hlub tau ib tug txiv neej twg ntxiv li lawm thiab. Thaum kawg no ua tsaug rau vas sab www.3haivhmoob.com uas  muaj qhov chaw no rau  peb tau tuaj piav lub neej rau suav daws tau  kawm   mog..

Sau npe: Nkaub Hmoob Toj Siab.

 

Ceeb Toom: Txwv tsis pub leej twg  muab coj cov dab neeg hauv no mus to rau koj lub vas sab website, forum los yog lwm qhov uas tsis tau kev tso cai ntawm peb. Tsis pub muab luam muag thiab. Ua tsaug  rau koj txoj kev koom tes, peb tsuas tso rau suav daws tuaj nyeem laug caij nyoog xwb. Warning: No  cone can copy our stories to post on you own website, forum or other internet site without our permission.  Printing for selling is also prohibited. Thank you for your cooperation.

Nias Nov Rov Mus Nplooj Kev HLub Loj

KooB Yuav NKauj Mab Qus

Koob Yuav Nkauj Mab Qus

Hmoob Khej3  Txoj Kev HLuB  Zos Vib Nais

birdybird@yahoo.com

 

Nyob zoo phooj ywg txhua tus cov uas tuaj nyeem. Ntev loo lawm thiab yom uas yog kuv tsis tau tuaj sau dab neeg rau hauv no lawm thiab. Muaj 2 tug phooj ywg tau email rau kuv kom kuv tuaj sau 1 2 zaj dab neeg rau sawv daws tuaj nyeem laug hnub laug hmo kom txhob laj nyob twb hais ntev los lawm thiab yom tab sis thov txim kuv ho tsis tau tuaj hais es hmo no kuv li tuaj sau los yog tuaj hais.. li cas los ho zam txim pub thiab. Zaj ntawm no yog ib zaj nraug Hmoob yuav nkauj Mab Qus.

 

Koob yog ib tug tub hluas Hmoob nws lub hnub nyoog yog 18 Xyoo nws nyob rau Lub Teb Chaws Guyane hauv Lub Nroog Cacao Sab South America ciam teb npuab rau Teb Chaws Brazil. Lub Teb Chaws Guyane ntawm no nws yog Fab Kis av los sis lus As Kiv hu ua French Guiana. Lub caij 30 tawm xyoo thaum ub Hmoob sawv daws tseem yog neeg tawg rog nyob rau Vib Nais Thaib Teb muaj ib txhia Hmoob lawv tau xam phaj tuaj mus nyob rau Teb Chaws Guyane ntawm nov yog Fab Kis txais lawv tuaj vim tias Hmoob yog ib co nyiam nyob raws tej toj roob hauv pes nyob hav zoov hav tsuag luaj teb ntov ntoo ua noj ua haus raws hav zoov hav tsuag.

Fab Kis thiaj li tos Hmoob tuaj mus nyob rau thaj av ntawm no kom Hmoob ua noj ua haus ib yam li thaum ub Hmoob tseem nyob rau Teb Chaws Nplog vim tias hauv Guyane hav zoov tseem tshuav ntau thiab dav heev. Xyoo ntawv Koob kawm tag High School nyob rau hauv Zos Cacao ces nws txawm los taij nws txiv thiab nws niam tias nws xav yuav poj niam nws xav yuav Maiv Yaj uas yog nws tus hluas nkauj nws tham swm swm.

Tiam sis Koob niam thiab Koob txiv tau hais rau Koob tias Koob tus tij laug hlob twb nyuam qhuav yuav poj niam lawm thiab nws niam nws txiv xav kom Koob ua siab ntev tos lwm xyoo tso yuav yuav los mam li yuav thiab tos nws niam nws txiv khwv ib xyoos seb muag puas tau lawv cov qoob loo uas yog cov noob taum cacao ntawm no kom ho tau me tsis nyiaj ntxiv thiab tso nws mam li yuav Maiv Yaj nkawv ua niam ua txiv li nta kom tag nrho tus nqi nyab.

Koob thiaj li hais rau Koob niam thiab txiv hais tias yog li ntawv no cia Koob ho mus nrhiav hauj lwm ua thiab seb ho puas tau nyiaj li cas los ntxiv es txog thaum nws yuav poj niam tiag thiaj li tsis nyuaj. Koob niam thiab txiv kuj tsis hais li cas thiab nkawv yeej xav kom Koob mus nrhiav hauj lwm ua thiab seb puas khwv tau me ntsis nyiaj ntxiv nkawv li thiab.

Thaum sawv daws tham li ntawv tag Koob thiaj li mus nrog Maiv Yaj tham ua twb zoo hais qhia rau Maiv Yaj tias kom Maiv Yaj ua siab ntev nyob tos Koob vim tias Koob yuav mus nrhiav hauj lwm ua ntshe nws yuav tau mus txawv nroog, txawv teb chaws. Maiv Yaj nws tus kheej nws to taub zoo txog ntawm nws thiab Koob nkawv txoj kev hlub kom nws tos ib xyoos nws yeej tos taus nws thiaj li tso Koob mus nrhiav hauj lwm ua.

Thaum no ces Koob ho mus nrhiav tau ib txoj hauj lwm uas yog mus kaw ntoo, txiav ntoo coj los kaw muag rau neeg ua vaj ua tsev. Lub company ua ntoo ntawm no yog nyob rau hauv Teb Chaws Brazil. Thaum lawv txais Koob mus ua hauj lwm lawm cov nais thiaj li tau muab Koob thiab ib txhia cov neeg ua hauj lwm xa mus nyob rau hav zoov ua cov mus ntov ntoo thiab muab ntoo pem hav zoov. Mus nyob rau hav zoov hav tsuag li ntawv yog ib qho txaus ntshai heev Tab sis lawv ho them nyiaj zoo thiab them ntau.

Koob thiab cov neeg ua hauj lwm tag nrho 8 leej raug xa mus muab ntoo nyob rau ntawm ciam teb Brazil thiab Equavador. Nws yog kiag hauv Amazon Rainforest.   Thaum sawv daws mus txog rau ntawm ciam teb Ecuador sawv daws tau mus dai tent thiab ua tsev so vim tsis paub hais tias lawv pab tuaj txiav ntoo ntawm no lawv yuav nyob ntev npaum li cas thiaj li yuav tau rov mus tsev. Hais txog zaub mov noj thiaj tej nyuag khoom siv xws li tshuaj txhuam hniav, shampoo da dej ces company yeej npaj txhij rau lawv txhua tus.

Li tej laus ib txwm hais yog niag zoov txwj zoov laus xwb ib txwm pua tiam tsis muaj leej twg tuaj mus ntov li nyuag nas noog liab thiab nyaj quaj zom zaws txhia chaw... noog roov noog haum vag ya dawb vog puv toj roob hauv pes, npua teb thiab mos lwj los noj txiv qab rog txiv lwm tsib qus sib tog quaj ntshoo nrooj Thia chaw.

Yav nruab hnub ces Koob thiab cov neeg ua hauj lwm lawv mus txiav ntoo thaum lawv txiav tau ntoo lawm ces lawv muab coj los teem ua ib pawg tom qab ntawv cov truck mam li tuaj thauj coj mus rau hauv company mam li muab kaw ua ib daim ib daim coj mus muag lawm xwb. Yav tsaus ntuj hmo ntuj ces sawv daws los da dej ua hmo noj thiab pw lawm xwb. Nyob rau niag hav zoov zoo li no tsis hais nruab hnub hmo ntuj yeej los nag tshauv xuj xuav tag mus li tsis muaj ib lub sij hawm nag yuav tu li hais txog kev rauv taws lawv rauv tsis tau taws vim tias nws ntub tag mus li xwb kev ua zaub mov noj ces lawv siv propane xwb hais txog teeb taws pom kev lawv siv battery xwb.

Koob lawv twb tuaj txiav ntoo tau muaj 1 week lawm cov trucks twb tuaj thauj ib lwm tag lawm lawv tseem yuav tau mus txiav kom tau ntoo ntau thiaj li txaus rau lub week tom ntej lawv tseem yuav rov qab tuaj thauj dua.

Tiam sis muaj ib qho uas Koob thiab cov txiav ntoo thaj chaw ntawm no lawv tsis paub xws li nyob rau sab hnub poob tsis deb ntawm thaj hav zoov nov muaj ib lub zos Mab Qus uas yog hom Mab Qus liab qab tsis hnav ris tsho lawv ib txwm nyob rau hav zoov nto txhiab xyoo los lawm. Lub zos Mab Qus nov coob txog 30 tawm yim neeg muaj txiv neej poj niam laus hluas me nyuam yaus huv si lawv ua zos nyob rau hauv plawv hav zoov sab Teb Chaws Ecuador lawv tej vaj tse yog xuas ntoo ua thiab vov nplooj txoob nplooj toov laj xwb.

Tau 2 hmos tag los no cov Mab Qus nov twb tuaj soj tau Koob lawv chaw nyob tag lawm Mab Qus npaj yuav tuaj attack lawv vim tias cov Mab Qus ntawm no lawv ib txwm nyob hav zoov lawv yeej tsis tau tiv tauj cov neeg sab nrauv yog li ntawv leej twg uas yog cov neeg sab nrauv tuaj txog rau lawv ciam dej ciam av lawv thwm tias yog lawv cov yeeb ncuab lawv yuav tsum tau muab tua thiab muab caum kom khiav rov qab mus kom tag cov Mab Qus ntawm no lawv tsiv thiab nyaum heev.

Mab Qus twb npaj tau hneev nti, riam, hmuv thiab xub tshuaj npaj tuaj mus attack Koob lawv.

Hmo ntawv nws yog ib hmos los nag tij tauj tom qab noj hmo tag lawm sawv daws nyias kuj mus pw nyias lub tent tag Koob nws kuj nkag mus rau hauv nws lub tent thiab npaj yuav pw. Nyob rau hmo no Koob pw tsis tsaug zog nws txawm yuav tig rau sab twg thiab pw ntxeev tiaj khwb rwg los nws tsis tsaug zog li tsis paub tias xyov ua cas ntshe tej zaum nws yog nco Maiv Yaj vim nws twb ncaim tuaj ua hauj lwm tau 1 week ntau lawm nws tsis ntsib Maiv Yaj lawm.

Nyob hav zoov yav hmo ntuj hnov tej nyuag suab kab hmo ntuj quaj nrog rau tej tsiaj yos noj hmo ntuj quaj ua rau txias siab kawg li.

Hmo no nws yog hmo uas Mab Qus tuaj attack Koob lawv cov tuaj txiav ntoo Mab Qus taws tsau tuaj txog Mab Qus tuaj mus vij lawv txhua tus muab lawv rub tawm hauv tent tawm los thiab xuas hmuv nkaug 7 tug ntawv tuag tag.

Mab Qus muab Koob rub tawm hauv nws lub tent los Koob mas ntshai kawg li tsis muaj ib yam dab tsi yuav ntshai tshaj qhov no lawm thaum pom lawv 7 leej raug Mab Qus muab nkaug tuag tag Mab Qus muab lawv cov cev luag los tso ib pawg tsw nyoos ntxiag hos Mab Qus nthe zom zaws ua suab ntas ntua txhia chaw.

Mab Qus tsa hlo hmuv rau Koob ob peb sim yuav nkaug yuav nkaug tiag tiag Mab Qus ho tsis nkaug Koob Mab Qus mus tu hmab los muab Koob khi cab nrog Mab Qus mus lawm. Hos 7 tus tuag ntawv ces Mab Qus muab lawv cov cev faus tag lawm hos muab lawv cov taub hau txiav nqa mus tag huv si lawm.

Koob mas ntshai heev li nws ntshai tsam Mab Qus lam muab nws tua tuag ces nws tsis tau rov qab mus pom nws tus hlub uas yog Maiv Yaj thiab nws niam nws txiv nyob tom qab.

Mab Qus ho tsis tua Koob hmo ntawv Mab Qus muab Koob cab ib hmos mus txog rau Mab Qus lub zos coj Koob mus nyob rau hauv ib yim niag Mab Qus. Ib hmos tag kis kaj ntug tag zej tag zos lub niag zos Mab Qus ntawv tsis hais poj niam txiv neej tus laus tus hluas puav leej tuaj saib Koob.

Tib co liab qab plwb ploog tsis muaj tus twg hnav ris tsho tsis hais poj niam txiv neej lawv muab tib daig nyuag ntaub luaj 1 xib teg khiab kiag lawv qhov nyuag khoom tsim noob neej xwb.

Tej me nyuam me txij li 10 xyoo rov hauv tsis muaj ib tuag yuav hnav ris tsho tib co liab qab xwb tsis hais me nyuam tub los sis me nyuam ntxhais.

Mab Qus tus yuav hais lus li cas los hais li tiam sis Koob tsis paub lawv cov lus xyov lawv hais dab tsi xyov Mab Qus yuav muab Koob coj mu

​

HluB Ib Zaug Dhau Mus

Hlub 1 zaug dhau mus

Nco thaum Wb Ob Leeg Nyob Ntug Haiv Txwv

Tus Sau Zaj Dab Neeg:   Paj Yeeb Yaj

Email: hlubzaumob2015@gmail.com

 

Nkauj hmoob toj siab yog ib tug ntxhais ua raug tso ib zaug los yog hais tias nws tau mus ua ib zaug neej los lawm nws tau mus hlub nrog ib tug nraug xwb  hu ua muas koob tsheej no, thaum nkawv nyuam qhuav sib ntsib thawj zaug yog nyob rau ntawm ntug dej hiav txwv. 

             Nyob rau hnub ntawv cua tuaj nplawm ntws nplooj hmab nplooj ntoos zeeg dawb vog thiab pom tej me noog liaj noog luv ya cuag dab tsi raws ntug dej....lom zem xauv npo cuag li tej nas noog paub tias  nkauj hmoob toj siab tau muaj kev hlub lawm.  Lub sij hawm ntawv nkauj hmoob toj siab tau nqis mus txog hauv nroog thiab zaum ua si hauv tsob qab ntoos tig ntsia mus rau sab hnub tuaj cas pom muas koob tsheej ncig yeev tuaj mus dhau ua cas nws yuav zoo nraug ua luaj hnav cev khaub ncaws dub rau nkawm khau tawv daj lub me cev yiag txias nws khuam ib lub hnab hos nqa ib phau ntawv ntawm tes maj mam tshais ruam tuaj mus dhau plaws nkauj hmoob toj siab nkauj hmoob toj siab ntsia ntsia nws mus ploj qab ntais lawm nws yeej tsis tig los saib nkauj hmoob toj siab li nkauj hmoob toj siab lub ncauj tsis hais los lub siab xav tau lawm hais tias yog leej twg tau ua tus hlub  ntshe yuav zoo heev li ..cas yuav zoo nraug ua luaj kheev lam muaj hmoo tau ua tus kuv hlub ntshe yuav zoo siab heev li os .

                          Ua cas ib pliag ntshis xwb tos pom ua cas muas koob tsheej txawm siv los nyob ntawm nkauj hmoob toj siab ib sab hais lus luag nyav nrog rau lub suab mos mos hais lus zoo zoo lub ntsiab lus noog tias nyob zoo leej muam cas nyob ib leeg ntxim kho siab ua luaj ua li muaj tus hlub lawm los tsis tau? Ntsia koj lub ntsej muag ntshaus ntsho zoo yam li muaj kev nyuaj siab hais qhia rau kuv puas tau thiab.  Nkauj hmoob toj siab teb  tias tus me leej nus koj yog leej twg cas ho xav paub txog ntawm kuv tus kheej ma lov, nkauj hmoob li kuv raug luag tso mus ua lub neej ib zaug tsis zoo los lawm os thiaj nyob ntshaus ntsho yam tus neeg raug mob xwb os.

                 Thaum ntawv muas koob tsheej tau hais tias ntuj nis nkauj hmoob tus neeg zoo nkauj lub ntsej muag luag nyav kab lia tom txig nko zoo nkauj npaum koj cas tseem tias raug luag tso txhob tu siab mog lub paj txawm zaus rau luag los tseem tshiab rau kuv os txawm koj twb muaj ib zaug neej tsis zoo lawm los kuv saib koj tseem zoo nkauj ntxim hlub ua luaj so zog kua muag tsis txhob quaj cia kuv mam los ua tu neeg hlub koj thiab yuav tsis tso koj rau txoj kev txom nyem lawm mog.  Lub sij hawm no nkauj hmoob toj siab lub siab muag tag nrho sau lub siab hlo los hlub muas koob tsheej.  Dhau ntawv los  nkawv tau nyiag mus nyob ua ib lub neej rau hauv nroog tsis pub niam txiv ob tog paub nkawv tau sib hlub raws li tej niam txiv txij nkawm tau ib ntus nkauj hmoob toj siab tau hlub muas koob tsheej heev li txawm muas koob tsheej tsis mus khwv nyiaj thiab nrhiav hauj lwm ua los nws yeej tsis cem li nkauj hmoob toj siab niaj hnub mus ua hauj lwm ua zog txawm ib hlis tau 1-2phav npaj los yuav mov yuav zaub rau nkawv noj xwb los nws yeej txaus siab ua tsuav kom muaj muas koob tsheej nrog nws nyob xwb ces zoo lawm .

                                Muas koob tsheej xav tau khau thiab ris tsho los nkauj hmoob toj siab yeej peem ua zog yuav tau rau nws tag nrho, muas koob tsheej tau hais rau nkauj hmoob toj siab tias cia peb caug xyoo no tag kuv mam mus coj kwv tij thiab hais niam hais txiv peb tuaj tos koj mus nrog kuv nyob raws li peb hmoob txoj cai nawb yog kuv tau koj lawm kuv yuav hlub koj thiab tsis cia koj mus khwv lawm ua rau nkauj hmoob toj siab lub siab muag tag nrhov thiab.  muas koob tsheej tau hais tag ib puas yam lus zoo nyob ntiaj teb no rau nkauj hmoob toj siab thiab tau muab txoj kev hlub zoo heev li rau nkauj hmoob toj siab los tau ib ntus ntawv nkauj hmoob toj siab muaj kev zoo siab heev li tsis nco txog kev nyuaj siab li lawm.  Nkawv ob leeg tau los mus saib nkauj hmoob toj siab niam thiab txiv nrog rau tej hlob tej yau tej nyab tej nus tag huv si muas koob tsheej tau hais rau nkauj hmoob toj siab tias koj nrog niam thiab txiv nyob mog kuv mus ob peb hnub kuv npaj tau kuv mam tuaj coj koj mus nrog kuv nyob mog.

                   Ua cas tau ib hlis tom qab nkauj hmoob txawm hu thiab noog tsis tshua tau muas koob tsheej moo zuj zus li lawm nkauj hmoob toj siab hu tau thaum twg ces mua koob tsheej tsuas yog hais tias koj txhob hu hu tuaj rau kuv vim kuv laj laj nrog koj tham thiab kuv tsis khoom tham nrog koj lawm lub sib hawm ntawv ua rau nkauj hmoob toj siab nyob nrog txoj kev tsaus ntuj noj los tsis qab pw los tsis tsaug zog ntuj tag hmo kua muag ntws ntxaum tag rau tej npoo ncoo lub zog ntaug tag tsis xav mus ua noj txhua hnub hmo tsis quaj los kua muag pheej los twj ywm, tus kheej kom txhob nco los cas tseg tsis tau ntuj tag hmo cas yuav nco nraug hmoob lub me cev hluas nraug dab ntub tuaj tsis taus vim tsis muaj muas koob tsheej los puag lawm chim siab ua luaj thiaj sau me khaub ncaws ntim tag rau hauv hnab mus nce hlo lub tsheb yuav mus raws muas koob tsheej qab cas nkauj hmoob mus txog ntua hauv nroog mus pom muas koob tsheej zaum ib leeg ua ntsej muag dub txig xwb nkauj hmoob toj siab tsa ncauj los noog tias tu me neeg kuv hlub yog ua cas tiag koj thiaj pauv mus lawm?

                     Lub sij hawm tsis muaj tsawg hnub cas koj lub siab txawm siv tig los hais kom wb txhob sib hlub lawm os ib txwm kuv twb yog tus koj nco ne lov muas koob tsheej teb hais tias tu me neeg zoo ua ib siab mog tiam no kuv tsuas los hlub koj txog txij no lawm xwb os mog tseg txhob tos kuv ntxiv lawm mog lub neej tiam no wb zoo tsis sib phim thiaj los li no xwb mog nkauj hmoob toj siab lub kua muag si laim hnov mob puag hauv lub siab tuaj yog paub tias hlub tau koj tsis yuav cas paub li tsis txhob los hlub koj kawg lub siab tsis txhob cia koj los nyob hauv kuv txoj kev npau suav hnub no yuav ua cas muab rhuav os mob siab ua luaj no chim nkauj hmoob lub siab tsis txawj tag nkaus hlo hauv tshuaj iab tso ntawm ncauj xav hais tias ua siab qi muag tuag kom txhob nco txog lawm cas muas koob tsheej tseem rov siv lo lus zoo lo ntxias dua lawm thiab ua nkauj hmob lub siab muag tag tsis nco chim tom qab peb hnub dhau los muas koob tsheej tau khiav tawm ntawm lub tsev uas nkawv l txwm nyob ntawv mus lawm.

                       Nkauj hmoob toj siab tau quaj thiab nrhiav muas koob tsheej rau txhua txoj ke los yeej tsis pom li nyob tos tau ob hnub tom qab muas koob tsheej hu los rau nkauj hmoob toj siab tias sib ntsib rau ntawm ntug dej hiav txwv os nkauj hmoob toj siab sawv ntxov tuaj txog muas koob tsheej quaj quaj thiab hais rau nkauj hmoob tias ua ib siab mog tiam no kuv zoo tsis phim koj es ua siab mus nrhia tus tom ntej kom phim koj os mog nkauj hmoob thiaj noog tiag tus neeg kuv hlub yog ua cas tiag koj thiaj hais li ma? qhia qhov tseeb rau kuv os muas koob tsheej hais rau nkauj hmoob tias qhov tiag lawm kuv yeej hlub koj kawg tiam sis koj yog poj nrauj lawm kuv yog nraug xwb kuv yuav yuav tsis tau koj os mog ib qho ntxiv koj los yog neeg kawm ntaub ntawv tsis tag ntshe tsis txaus yuav mus ua tau kuv tus niam tsev koj yog poj nrauj kuv yuav koj ntshe kuv yuav txaj muag rau kuv tej phooj ywg mog vim kuv yog neeg muaj kev txawj ntse kawm ntaub ntawv nyob qib siab yog neeg muaj npe zoo tsis xav kom puas koob mog.

                        ib qho kuv tsis nyiam koj tsev neeg thiab koj li yav tag los kuv lam siv koj ua si xwb mog koj tsis phim kuv qhia koj paub li ntawv mog yav tag los txawm koj yuav hlub thiab zoo rau kuv npaum twg los kuv yeej tsis tuag siab yuav koj li mog nkauj hmoob toj siab ntshai hais tias tsam plam muas koob tsheej mus tiag nws thiaj tau txhos caug thov thiab hais tias tus neeg kuv hlub thov tsis txho tso kuv puas tau os kuv nrug tsis tau koj li lawm os yav tag los koj twb hais tias yuav hlub kuv thiab wb yuav mus ua lub neej nyob ua ke sib sib hlub mus ib txhis no ne nraug hmoob.

                    muas koob tsheej teb tias txhob muab yav tag los hais mog ntawm koj thiab kuv wb ces tag li no lawm os ua ib siab rov qab mus nrog niam thiab txiv lawv nyob pem zos mog zaum no yog zaum kawg uas wb sib ntsib lawm xwb os ces mua koob tsheej cia li khiav mus lawm txij hnub ntawv los ua rau nkauj hmoob toj siab noj los tsis qab haus dej los tsis nqis li nkauj hmoob chim chim ua rau nkauj hmoob mob tau 7hnub 7hmo nkaus mam zoo os thiaj li taug kev mus noog saub tias saub yog vim dab tsi tus neeg uas kuv hlub thiaj khiav kuv mus lawm ua li kuv puas tau nws rov qab los thiab nws puas yog kuv tus txij nkawm ib txhis raug los pem ntuj los cas nws yuav tsim txom kuv lub siab mob ua luaj li os

                 Saub  saib tag ces saub thiaj li hais rau nkauj hmoob tias me ntxhais koj tus hlub no mas nws tssi yog los hlub koj tiag los yuav koj tiag mog nws tsuas yog ib tug neeg dag noj dag haus xwb nws xav los kom koj nrhiav rau nws noj nws haus xwb vim hauj lwm dab tsi los nws tsis xav mus ua li ne puas yog? yog li ntawv mas koj yuav tsis tau nws los li lawm mog tswj lub siab kon tus tus mog tseg txhob nco tus neeg dag lawm mog txij hnub ntawv los nkauj hmoob toj siab thiaj so zog kua muag tsis quaj ntxiv li lawm tab sis nkauj hmoob toj siab los nyob ib leeg tsis tuaj yeem qhib lub siab mus hlub tau ib tug txiv neej twg ntxiv li lawm thiab. Thaum kawg no ua tsaug rau vas sab www.3haivhmoob.com uas  muaj qhov chaw no rau  peb tau tuaj piav lub neej rau suav daws tau  kawm   mog..

Sau npe: Nkaub Hmoob Toj Siab.

 

Ceeb Toom: Txwv tsis pub leej twg  muab coj cov dab neeg hauv no mus to rau koj lub vas sab website, forum los yog lwm qhov uas tsis tau kev tso cai ntawm peb. Tsis pub muab luam muag thiab. Ua tsaug  rau koj txoj kev koom tes, peb tsuas tso rau suav daws tuaj nyeem laug caij nyoog xwb. Warning: No  cone can copy our stories to post on you own website, forum or other internet site without our permission.  Printing for selling is also prohibited. Thank you for your cooperation. 

Khiav NKauj FA Mus Ntsib DaB

 Zos Moos Oom - Nplog Teb

Khiav Nkauj Fa Mus NtsiB DaB

Ceeb toom: Txwv tsis pub koj tuaj muab coj mus piav tawm rau hauv youtube vim peb muaj peb tshooj youtube lawm thiab tsis pub muab luam tawm los yog coj mus tso rau lwm qhov chaw tshiab. Ua tsaug.

 

Tus sau:    VAJ YIM LEEJ  VAJ

Nyob zoo ib tsoom phooj yws uas nyiam nyeem dab neeg hauv 3haivhmoob.com no thiab hnub no kuv yuav rov qab los piav txog ib zaj keeb kwm ntawm peb hmoob ntuj qub qab ntawm cov laus txheej thaum ub. Zaj neej neeg no tshwm sim thaj tsam li ntawm xyoo 1985-1986 ntawv xwb tsis ntev  heev los no vim tias peb tej niam thiab tej txiv yav ntuj qub qab thaum ntawv mas yog yus yog ib leej tub hluas cia li mus pom ib leeg hluas nkauj twg yog yus nyiam lawm ces yeej tsis paub tias tus hluas nkauj ntawv nyiam yus los tsis nyiam li cia li npaj kom tau ob peb tug hluas kom khov kho ces tos yog nrug zog niam thiab txiv thaum twg lawm ces cia li muab zij xwb. yog li kuv zaj neej neeg lub sij hawm ntawv txawm muaj ib tus tub hluas hmoob pom muaj ib tus hluas zoo2 nkauj ces nws txawm nyiag nyiam thiab cia li npaj tau ob peb leej tub hluas mus zij tus hluas nkauj ntawv los ua poj niam thaum lawv mus zij los txog tsev lawv kuj muab lwm qaib ua nws poj niam tab sis tus hluas nkauj ntawv yeej tsis kam nrog nws pw saum txaj li nws pw saum txaj tus poj niam ntawv muaj peev xwm pw hauv qab txaj tau 6 lub hli nkaus yeej tsis kam nrog nws pw li sawv ntxov kuj tawm los nrog cov muam ua tshais noj thiab nyob li tus niam tsev thiab twb nyob tau yuav luag ib xyoo ntuj zeeg twb rov ze2 lub qab tsiab peb caug yog li ntawv lub zos ntawv thiaj li yuav sib khoom ua ib thaj neeb sau sub xa nrog lub xyoo laus mus yog li nhub ntawv lawv txwv tsis pub leej twg hauv lub zos ntawv tawm mus ua liaj los ua teb li hnub ntawv cov kwv tij thiab cov muam lawv tawm mus sib pab kwv tij neej tsa sab nrauv tag lawm tshuav tus nyab ntawv ib leeg lawm xwb hnub ntawv nws thiaj npaj khiav ua nkauj fa thaum nws khiav mus txog ntug zos na has pom ib tug tsov mas txaij nraug kha loj tiag2 lub taub hau ploj pem qaum kev lawm lub pob tw nyob nram qab ke tshwm yav duav xwb nws pom kiag mas nws lem hlias rov qab los tim zos ua khau poob tag nrho los li lawm thaum nws los txog nws tseem zais twb tsis qhia rau leej twg paub tias nws ua nkauj fa ces pom tsov li ntawv li thiab nws ua tiag rov los nrog nws tus txiv nyob twb yuav luag rov muaj ib xyoo twb rov txog lub caij las nplej hnub ntawv nws thiab nws tus txiv nkawv mus las nplej ua ke nws dag tias cia tus txiv mus ua ntej pem teb nws mam ntim mov lawv qab tuaj mus caum tus txiv,

           Thaum tus txiv ua ntej lawm nws nyiag kev ua nkauj fa dua zaum ob zaum no nws mus vim yog ntuj deb kev ncua ntev nws ua nkauj fa khiav ib hnub tsaus ntuj kiag nws mus txog ntawm lawv ib daim qub teb, nyob ntawm ntug teb muaj ob lub toj ntxa nws ntsia na has muaj ob niag dab tsi mas dub nciab ntawm ob lub niag toj ntxa nws xav tias cia kuv maj mam maub khaws ib tug tog tas los tib nplawg seb ob niag dub nciab ntawv yuav ua cas no os nws tig mus yos pas tau tig los ntsia na has ob niag dab ntawv twb ploj lawm tsis pom lawm nws cia li khiav kiag hla dhau ob lub niag toj ntxas ntawv mus lawm.

Thaum ntawv twb yog  thaj tsam ntawm 8 teev rau teev 9 teev yuav luag ib tag hmo ntawv nws xav2 nws kuj ntshai kawg nkaus li thiab nws sawv xav  xav ib pliag hmoob los kuj ua tau ib lub me nyuam tsev teb nyob hauv plawv teb nws tiaj lias mus nkag kiag rau hauv saib no cas hnub ntawv lawv kuj tuaj las nplej thiab lub cub tawg tseem tshuav ib tug taws ncho2 nws thiaj maub mus lauj tau kiag ib tsuag taws los ntsaub kiag ib pliag ces kuj ciaj tuaj nws saib no lawv ua ib lub me nyuam txaj nyob ntawm ntug cub muaj ib daim me nyuam khaub pam nws nce kiag mus pw muab daim me nyuam hkaub pam vov tab sis daim khaub pam luv luv vov taw tshuav taub hau vov taub hau tshuav taw lub sib hawm ntawv nws ntsia kiag ntawm lub qhov rooj tsev teb nas muaj ib niag poj ntxoog txim kiag los zaum kiag ntawm ntug cub nte taws cov niag plaub hau mas txhov txoog ob lub niag qhov muag sawv ntsug qhov ncauj los sawv ntsug txaus ntshai tshaj plaws li cov niag plaub hau mas lo tej niag nplooj hmab nplooj ntoos mas tsw li kub nyhiab los tsis xws tsw txawv tshaj plaws li niag poj ntxoog ntawv pheej zaum pheej daws cov niag nplooj ntoos ntawm nws cov niag plab hau thiab pheej ua ntxeev tes ntsia nws qhov cub tuag me ntsi ces pheej tsij taws ua ntxeev tes saib nws ib hmo kaj ntug kiag 

                     Sij  hawm twb 4 teev noog xiav twb quaj zom zaws lawm niag poj ntxoog mam li txim kiag ntawm lub niag qhov rooj tsev teb mus rau nraum zoov lawm. Niag poj nkauj fa ntawv sawv tsees los nthos nkaus cov niag tw taws uas niag poj ntxoov ntawv pheej tsij ib hmo ntawv txawb cuam kiag raws niag poj ntxoog qab rau nraum zoov lawm niag poj ntxoog mas tshuab nrov plig pleg2 mus lawm kaj ntug nws mam sawv niag tshee2 tawm rau nraum zoov nws mam rov taug kev mus txog tim yawm txiv thiab niam tais lawv zos.

 Tus niam tais thiab yawm txiv mam tso xov kom tus ua vauv tuaj tus ua vauv los kuj ua siab ntuj ntev mus thov ob peb leeg kwv tij tuaj thov yawm txiv coj nws tus poj niam rov qab los tsev. thaum rov los txog tsev lawm kuj lam sib uv sib uv nyob txog rau thaum lub caij hlais nplej tag ntau nplej los rau hauv txhab tag lub sib hawm ntawv tsis zoo li txheej niam no uas yuav muaj ntsev muag tom kiab khws li ntxeej niam no tus txiv thiaj kom nws zov tsev tus txiv yuav tuaj yuav ntsev los noj tus txiv mus yuav ntsev lawm nws rov ua nkauj fa dua zaum peb zaum no nws rov mus txog tom daim teb thaum nws mus thawj zaug ntawv pom dab ntawv tsaus ntuj lawm thiab nws tsis tau luag rov mus pw ntawm lub tsev teb qub lawm nws mus yos yos no pom hmoob muab cov nplej mus ntau rau ntawm qab tsev teb pov cov quav nyab npog ib ya cav uas thaum lawv luaj teb vau nqis hav nws nkag mus pw raws yav cav uas quav nyab nphog ntawv ib pliag kiag xwb cas dab tsis tsawm siv tsaj2 yav niag cav ntawv nrov kig kuag 2 pem hauv paus cav los txawm siv los tshawb raws yav niag qab cas uas nws pw ntawv pem hauv paus cav los lawm ntag laus niag ntawv pheej tshawb nws raws yav niag qab ca ntawv nws pheej tshawb los ze niag pog nkauj fa ntawv zuj zus ces niag pog nkauj fa ntawv pheej chaub laug raws yav qab ca ntawv tshuav li ntawm ib daj kiag xwb ces tag yav quav nyab nphog ntawm yav cav ntawv ces niag dab ho tshawb2 los tsis txog nws ho tsum lawm.

                    Tag kis kaj tug kiag pog nkauj fa ntawv nws mam tawm ntawm yav niag qab ca ntawv los mam taug kev mus txog tom niam tais yawm txiv tsev lawv rov tso xov rau tus ua vauv ntawv rov tuaj tos dua. zaum ntawv poj nkauj fa zeem kiag tsis ua nkauj fa ntxiv lawm ces mam los ua ib tug niam tsev zoo rau lub cuab yig muaj me tub me nyuam sib hlub los txog niaj hnub niam no. kuv zaj neej neeg no tus niam tsev no tseem muaj txoj sia nyob hauv peb lub zos moos cab no. thaum kawg no kuv zaj dab neeg los hais xaus li no xwb qhov zoo kawm los thaum peb cov nkauj muam nraug nus tau nyeem tag lawm qhov zoo kawm los khaws ua kev kawm rau peb lub neej yav pem suab yam twg yus tsim nyog ua lawm tau txais txiaj ntsig mam li ua yog ua tsis muaj txiaj ntsim yuav tsum ua zoo xaiv ua zoo taug thiaj tsis yuam kev nawb cov me nkauj muam nraug nus hmoob aw. thaum kawg no thov ua tsaug rau peb lub vas sab no ua tsim tau rau peb tuaj sau dab neeg tsim kev lom zem rau peb thiab.

Roob Qau Dab

Roob Qau Dag yog dab tsi?

Roob Qau Dab yog ib zaj keeb kwm uas peb hmoob tej laus yeej ib txwm paub ib txheej dhau ib txheej los lawm. Txuas ntxiv ntawm no yog keeb kwm hais txog ntawm lub Roob Qau Dab no:

Lub roob Qau Dab no nyob ze rau ntawm looj ceeb sab uas mus rau thab tas nplee, kam looj los yog npoj yais....yog koj mus dhau txoj kev no ces koj yuav tau txua ib rab qau ntoo mus tso rau ntawm pawg Qau los yog lub sam mos txhos no. Muaj ib txhia neeg ces lawv kuj cia li de ib re nplooj tso rau los tau, tab sis tib neeg feem coob yog lawv txua ib tug qau ntoo coj los tso rau ntawm pawg khaub los yog lub sam mos txhos no. Thaum tus neeg txua tau tus qau ntoo coj mus tso rau ntawm pawg khaub no lawv hais rau tias: " Kuv dhau kev los mus es muab yam khoom no rau koj, thov koj nrog pov fwm kuv kom mus noj qab nyob zoo thiab tau lag tau luam raws siab xav yog tias yus mus ua lag luam."Yog hais tias leej twg lam hais lus phem los yog tias ho tsis txua ib tug qau ntoo tso rau ntawm lub sam mos txhos no ces , koj mus kev ib chim xwb yeej cia li mob ceg, los yog mob lwm yam ua rau koj mus tsis taus tsev li lawm. Qhov no thiaj ua rau sawv daws muaj kev ntseeg tias yeej muaj dab tiag, yog li txhua tus hla txoj kev no mus thiaj yuav tsum tau ua raws li hais los saum toj no xwb .

Keeb kwm piav tseg tias lub roob qau dab no mas tim thaum ub muaj ib tug hluas nkauj tsis muaj txiv yuav es nws tau ntim su cab ib tug npua tuaj mus nrhiav txiv yuav. Ces thaum nws mus txog qhov chaw hais ntawv nws tuag lawm, ua ntej nws yuav tuag nws tau foom ib co lus tseg tias " Nws tsis tau muaj txij nkawm dua , yog tus txiv neej twg mus txog thaj chaw ntawv yuav tsum tau txua 2-3 rab qau ntoo ua khoom plig rau nws Yog tias leej twg tsis txua ces thov kom muaj mob rov qab los thov nws."

Muaj qee leej kuj piav tias tus ntxhais uas tuag ntawm lub roob no yog ib tug ntxhais Nplog, niam txiv ua nom es khoo nws heev li tsis muaj ib tug hluas twg tham tau yog li nws tsis tau deev dua txiv neej thaum nws tuaj txog saum no nws yuav tuag nws thiaj foom cov lus no tseg. Nij hnub nim no tib nee dhau txoj kev no yeej tseem nco ntsoov txua ib rab qau ntoo rau yog li tej laus thiaj muab lub roob no hu ua Roob Qau Dab.

Thaj YeeB Thiab Suab Nag

 

Tus muam Suab Nag Lauj  yog ib tug ntxhais nquag, zoo nkauj, txawj xav..nws  muaj ib tug zoo hluas nraug thiab ib tsoom zoo phooj ywg.
         Thaj tsam ntawm ib nrab xyoo 2015 tag los ntawv suab nag lauj tau raug ib tug dab  uas yog los nrog nws tham ua hnub ua hmo li.  Suab nag tau sau ntawv tseg qhia tias,  lub sij hawm ntuj tshav , ntuj los nag thiab lub ntuj ntxhoo mas neej thiab dab cov ntshav yuav los nyob ua ke ua rau  tus tib neeg tsim txom kawg nkaus li..Nws nyuaj siab thiab kho siab heev yog li ntawv  suab nag tau txais txim siab tso nws ib tsoom phooj ywg tseg thiab tau  tag txoj sia  rau thaum lub 10 hli ntuj 2015 tag los no.  Txhua yam tsev neeg qhia rau peb vas sab kuvhaivneeg.blogspot.com , peb tau muab piav thiab ua ib qho VDO rau youtube lawm.  Yog koj ho muaj tej yam keeb kwm li no xav kom peb pab ua rau koj los thov sau rau peb rau ntawm qhov tias: Sau Kev Hlub nyob peb lub website no los tau.  Hos koj sau rau peb tus email : hmongmeka@gmail.com los tau. Ua tsaug.

NKauj Zaj Thiab Nuj Ntxiag

Txwv:  Txwv tsis pub leej twg tuaj muab cov dab neeg kev hlub thiab lwm yam hauv no coj mus tso rau lwm lub vas sab  yog tsis tau txais kev tso cai los ntawm 3haivhmoob.com.Warning: No one can copy these stories at 3haivhmoob.com to post on your own or other website without our permission. Thank you for your cooperation.

 

Txoj Kev Hlub Nkauj Zaj Thiab Nuj  Ntxiag no tshwm sim nyob rau lub Zos Roob Pas Zaj thiab Tiaj Kuj Yem, Teb Chaws Los Tsuas tau ntev li ntawm 60 tawm lub xyoo los no lawm. Nws yog ib zag kev sib hlub los yog sab sij huam uas yeej muaj tseeb tiag tiag, dab tso yav ntuj thaum ub hlob heev ua rau dab nrog neej sib txuas lus tau thiab qaws mus ua neej..rau yeeb teb lawm......

 Muaj qee hnub lub ntuj los nag..qee hnub pos huab thiab qee hnub lub ntuj tshav nrig nyob rau lub Zos Roob Pas Zaj teb chaws los tsuas thaj tsam ntawm xyoo 1950 tawm me me . Nyob rau ntawm lub zos Hmoob no muaj ib lub pas zaj loj heev  yog li tib neeg thiaj muab lub zos no hu ua Zos Roob Pas Zaj. Tib neeg kev mus ua noj ua haus yeej yuav tsum tau hla ntawm lub Pas Zaj no mus thiab los xwb vim lawv tej liaj teb nyob dhau lub Pas Zaj no rau nram hav lawm.

 Nuj Ntxiag yog ib tug tub Hmoob zoo nraug loj siab kheev tham txawj hais lus heev nws nij hnub mus ua teb hla ntawm txoj kev no, vim nws yog tus tub hlob hauj lwm txhua yam nws yog tus ua ntau tshaj nws thiaj tau mus ua qoob ua loo ntau dua txhua tus hluas uas yog nws ib phaum loj hlob los ua ke. Muaj ib hnub Nuj Ntxiag los tom teb los nws txawm ntsib ib tug hluas nkauj loj siab thiab zoo nkauj heev li tsis deb ntawm lawv daim teb.  Tus hluas nkauj no tau hu Nuj Ntxiag tias", Koj mus ua teb los thiab los tus nus?" Nuj Ntxiag teb tias yog kawg, koj ua teb los thiab los? Tus ntxhais no teb tias yog kawg kuv mus ua teb los thiab.

           Nyob rau Nuj Ntxiag lub siab nws xav tias tsis tau pom dua tus hluas​ nkauj no li nyob qhov twg  tuaj ne? Nws thiaj tau nug tias, " Tus muam, koj nyob qhov twg tuaj, cas zoo li kuv tsis tau pom dua koj li ne?". Tus Nkauj Zaj no thiaj teb Nuj Ntxiag tias". Nyob ze ze pem nej zos thiab". Sib tham me ntsis li no ces nkawd ob leeg txawm ua ke los mus tsev, tab sis thaum los dhau lub Pas Zaj me me  tus ntxhais  zaj no tau hais rau nuj ntxiag tias". Kuv yuav mus tom peb zos lawm es lwm zaus mam sib ntsib dua". Ces nkawd txawm sib ncaim lawm.

         Txhua zaus uas Nuj Ntxiag ntsib tus ntxhais no mas yeej pom  ev ib kawm zaub npuas uas muaj cov paj ib qaib tag li xwb tab txawm tias lub caij ntawd twb tsis yog lub caij uas muaj paj ib qaib lawm los xij.​ Thaum ntej Nuj Ntxiag kuj tsis xav li cas tab sis ua cas txhua zaus nws mus nram teb los ntsib tus ntxhais no tag li xwb. Tus ntxhais no hais lus  rau nuj ntxiag  zoo heev li tsis paub tias tus nkauj zaj no twb ua khawv koob muab nuj ntxiag mooj lawm los ua cas, nws yeej tsis  xav nyob tsev li lawm, tsuas xav mus nram teb tag li xwb kom tau pom tus ntxhais no  mas siab thiaj li yuav nqig.

        Ua mus ua los zoo li tus  ntxhais no cia li seej li lawm thiab, tej tib neeg mus liaj mus teb los lawv kuj ntsib nuj ntxiag thiab nws tus hluas nkauj no sib tham taug kev tag li tab sis mas tej neeg zej zog saib ua cas lawv tsis tau pom dua tus ntxhais no los dua xyov yog nyob qhov twg tuaj thiab vim thaj tsam ntawm lub zos Roob Pas Zaj no yeej tsis muaj zos Hmoob nyob ze li.​ Suav hnub suav hmo dhau lawm zuj zus, nkauj zaj thiab nuj ntxiag txoj kev hlub loj hlob lawm zuj zus ib tug tseg tsis taus ib tug li lawm.

           Tej neeg zej zog tau hais rau nuj ntxiag niam thiab txiv tias lawv pom nkawd tus tub tham ib tug hluas nkauj txawv heev tsis paub tias nyob qhov twg taug txoj kev ze ntawm lub Pas Zaj uas suav daws dhau kev mus los.​ Yog li ntawd nuj ntxiag niam thiab txiv thiaj hais rau nws tias," Me tub koj txiv wb laus lawm zuj zus yog koj tham tau hlaus nkauj no los xav kom koj yuav nyab los pab wb ob tug laus thiab?".Nuj ntxiag teb tias," Niam txhiab txiv kuv yeej tham tau ib tug hluas nkauj zoo heev lawm cia kuv mam coj neb mus saib thiab yuav los ua neb tus nyab los pab neb ob tug laus".

             Hnub twg yog tias Nuj ntxiag niam thiab txiv nrog nuj ntxiag mus ua teb ces thaum lawv los tsev tsis ntsib tus ntxhais no li, yog thaum twg ob tug laus tsis mus lawm no ces nuj ntxiag thiaj ntsib nws xwb, zoo li tus ntxhais no nws yeej paub ua ntej tias Nuj Ntxiag niam thiab txiv yuav mus saib nws es nws cia li tsis tuaj kom txhob tau ntsib.​ Thiab yog tias hnub twg nuj ntxiag tsis tau pom tus hluas nkauj no mas nws kho siab heev nyob tsis taus li. Thaum muaj tej yam txawv txawv li no tshwm sim nuj ntxiag niam thiab txiv thiaj paub tias tej zaum nkawd tus tub tham tau dab lawm. Nuj ntxiag qhia rau tus txiv ntxawm tias, nws thov kom tus hluas nkauj coj nws mus saib lawv tsev no los tus hluas nkauj hais rau nws tias , koj mus tsis tau, thaum twg wb sib yuav lawm mas thiaj li mus tau vim tam sim no koj hnav tsis tau peb cov khaub ncaws, yog koj mus txog hauv peb zos ces tej neeg hauv saib koj yog qaib yog npua xwb. Tej lus no nuj ntxiag kuj tau piav rau nws niam nws txiv paub tib si. Lawv tau txwv tsis pub nuj ntxiag mus ua teb lawm txij li thaum paub li no, tab sis tej hnub cov laus tsis nyob lawm ces nuj ntxiag yeej nyiag kev mus taug txoj kev ua teb no kom ntsib nws tus hluas nkauj dab no tag li .

      Nuj ntxiag niam txhiab txiv pib ua neeb ua khawv coob thaiv tus nkauj dab no, tab sis lawv yim ua neeb mas yim pom tej yam txawv heev tawm rau hauv vaj tsev thiab qab vag tsib taug.​ Tej zaum lawv pom tej tug qav loj loj nyob hauv qab txag, tej zaum mas pom cov me nyuam nab qab vag tsib taug thiab nkag los hauv tsev li..ua tau txaus ntshai kawg nkaus. Thaum zoo li no lawm lawv thiaj tau tsiv los mus nyob rau lub Zos Tiaj Kuj Yem uas yog ib lub zos nyob deb heev ntawm lub zos Roob Pas Zaj no seb puas yuav dim tus ntxhais dab no.

    Txawm lawv khiav los nyob rau Zos Tiaj Kuj Yem lawm los nuj ntxiag txoj kev kho siab yeej cheem tsis tau li, nws noj tsis taus mov vim txoj kev kho siab , ib hnub yuag lawm zuj zus​ tshuav ib tsuag txha lawm xwb. Nyob nyob muaj ib hnub cov laus tsis nyob tsev lawm ces nuj ntxiag cia li khiav mus nram teb thiab tsis los tsev li, thaum lawv mus nrhiav tau ces nws twb mob heev thiab nkees nkees lawm.   Nuj ntxiag tsev neeg tau coj nws rov qab los tsev thiab ua neeb  saib npaum cas los ib hnub tsuas nkees lawm zuj zus xwb li.

Nkauj Zaj thiab Nuj Ntxiag Txoj Kev  Npau Suav Caum Cuag​

     Kev neeb caum tsis cuag, khawv koob thaiv tsis tau vim nkauj zaj thiab nuj ntxiag nkawd kev sib cog lus thiab tau puav pheej los ntawm txoj kev nkauj kev nraug lawm.  Ib hnub  nuj ntxiag nkees lawm zuj zus xwb ua rau nws tau tag sim neej nyob rau thaum yuav luag tav su uas  lub hnub tab tom  ntseg. Tom qab Nuj Ntxiag tau tuag tag nrho, ntuj kuj tau los kiag ib kob nag tshav ntuj thiab tau muaj ob tug zaj sawv kiag tim lawv ntug zos. Muaj ib tug mas pom tshiab heev li ntsuab xiab liab ploog li, hos muaj ib tug mas pom nplhob nplhob tsis tshiab pes tsawg. Cov tib neeg hais zom zaws tias zaum no  Nuj ntxiag thiab nkauj zaj nkawd sib tau lawm lau. Tus zaj sawv uas pom tshiab tshiab no yog Nuj Txiag tus poj niam hos tus zaj sawv uas pom tsis tseeb no mas yog Nuj ntxiag vim nws nyuam qhuav  tuag mus ua zaj xwb ces tseem tsis tau tsheej zaj tiag thiaj li pom nplhob nplhob  li no.​

                    Vim txoj kev mus ua neej rau yeeb teb los yog Zaj teb zaum no , yuav tsis sib ntsib mus ib sim neej, nws niam thiab nws txiv tau quaj heev li. Mus liaj mus teb los quaj, taug kev los quaj, nyob tsev los quaj, tsis qab siab los ua noj ua haus li lawm.  Muaj ib hmos Nuj txiag thiaj tau los ua npau suav rau ob tug laus tias kom nkawd txhob quaj quaj, nws mus tau zoo neej ua lawm. Nws tau mus ua Fuab Tais zaj tus vauv, tau lub neej kaj siab lawm, nws yeej tiam ntawv los li no txij no mus kom ob tug laus ua ib saib. Txij li ntawd los ob tug laus kua muag thiaj tu thiab thiaj tsis quaj li yav tag los lawm. Nkauj Zaj thiab Nuj Ntxiag  nkawd lub neej los xaus li no xwb. Lub neej yad thaum ub dab thiab neej yeej sib cuag tau li no, txawm nim no kiag los yeej tseem tshwm sim qee yam zoo li no  ib yam liZaj Nkauj Dab Thiab Tub Lisuas nyuam qhuav tshwm sim nyob Los Tsuas Teb thaum xyoo 2010 -2011 tag los no.

 Ua tsaug ntau ib tsoom phooj ywg uas tuaj nyeem peb zaj dab neeg no, mam rov ntsib nej dua lawm zaus.

 

Lus Ceeb Toom:

 Cov dab neeg kev hlub thiab txhua yam hauv kuvhaivneeg.blogspot.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , los yog muab hais tso rau hauv youtube thaum peb tshawb tau lawm koj yuav raug nplua raws txoj cai ntawm lub teb chaw koj nyob ko vim peb lub vaj sab no tau zwm raug caig lawm.

                 Ua tsaug ntau: 

                       Kuvhaivneeg.blogspot.com @2020